Една Британка побара развод откако откри дека виртуелниот лик на нејзиниот сопруг има љубовна афера со виртуелна жена во мрежната игра Second Life. Неверојатен љубовен триаголник. Прочитајте!
28-годишната Еми Тејлор вели дека нејзиниот брак со 40-годишниот Дејвид Полард завршил откако два пати го затекнала кај што ја изневерува со друга жена.
Т.е. не ја изневерувал тој, туку неговиот виртуелен лик Дејв Барми. Играта Second Life им овозможува на играчите преку интернет да живеат втор живот во кој нивните виртуелни ликови, или аватари, развиваат односи, купуваат имот и работат во замислениот свет. Интересно е тоа што парите од тој свет се конвертибилни со парите од овој свет.
28-годишната Еми и 40-годишниот Дејвид се запознале на интернет чат соба во 2003 година, а се венчале пред три години и живееле заедно во Лондон. Откако почнале заедно да ја играат Second Life, во играта ги венчале и своите ликови Дејв Барми и диџеј Лора Скаји.
Нивната онлајн љубов траела се додека Тејлор не се разбудила од една попладневна дремја кога го видела Полард кај што го гледа на компјутер неговиот лик Дејв како има секс со проститутка.
Тогаш ја завршила нивната онлајн врска меѓу Скаји и Барми, но останала со Полард во реалниот живот.
Меѓутоа, продолжила да се сомнева и изнајмила виртуелен детектив наречен Марки Мекдоналд да го следи Дејв Барми дали има афера со виртуелната проститутка, која била лик на 55-годишната Американка Линда Бринкли.
Полард го поминал тој тест, а нивните ликови продолжиле да бидат заедно и во играта. Но, Тејлор пред извесно време го затекнала неговиот виртуелен лик во компромитирачка положба со Модести Мекдонел, ликот на Линда Бринкли.
„Призна дека разговарал со таа жена играч од Америка недела или две“, вели Тејлор која веднаш наредниот ден побарала развод.
Полард призна дека имал онлајн врска со Американката, но одрекува дека имал сајбер секс со неа. „Само зборувавме и се прегрнувавме. Не мислам дека направив нешто погрешно“, вели тој.
Од друга страна пак, 55-годишна Линда Брикли вели дека е вљубена во Тејлор и дека одвај чека да го види во живо. Вели дека си размениле и вистински слики, а нивната онлајн љубов била на прв поглед.
15.11.2008
