Возбудлива трка со многу казни и неочекуван расплет

По највозбудливот старт досега сезонава, и уште неколкуте контроверзни и казнети преминувања, Фернандо Алонсо изненадувачки стигна до неговата втора по ред победа оваа сезона, 21 во кариерата.

Уште бурниот старт најавуваше интересна трка, во кој Хамилтон прво ја изгуби пол позицијата што ја имаше од Раиконен, но до првиот свиок ја врати за повторно да ја изгуби од Алонсо и Кубица.


Но, тука не запреа возбудувањата. Веќе во вториот круг, при една шикана, Маса имаше допир со Хамилтон по што Британецот се изврти и излезе последен, па мораше и да влегува во бокс за да менува гуми.

За тој инцидент беа казнети и двата возачи со казна поминување низ бокс.

До првото влегување во бокс, лидер на трката беше Роберт Кубица со неговото БМВ, но со одличната тактика на Рено, Алонсо излезе прв после боксовите и така ја заврши и трката.

По сите овие инциденти, Хајки Ковалаинен излезе трет, но немаше среќа, бидејќи му откажа моторот па мораше да ја заврши трката предвреме.

Фелипе Маса имаше уште еден инцидент, при последното излегување од бокс имаше допир со Себастијан Бурде, за што Бурде беше казнет за невнимателно возење.

Во последните кругови најтешка работа имаше Фелипе Маса, кој од дванаесеттата позиција, успеа да стигне до седмата со што освои два поени за разлика од Луис Хамилтон кој трката ја заврши на 12 позиција и не освои ниту бод.

На само две трки пред крајот, Луис Хамилтон останува во водство со 84 поени, пет повеќе од Маса кој има 79, и 12 повеќе од Кубица кој сега се доближи до водечките за освојување на титулата.

Во борбата на конструктори, Ферари се врати на врвот со 142 поени, седум повеќе од Мекларен кои имаат 135, додека БМВ се трети со 128.

Следната трка се вози идната недела во Кина, која исто така се очекува да биде доста возбудлива, а можеби и одлучувачка.



Наум Баварец/Таратур

Спорт