Македонија денеска со пригодни манифестации ја одбележува 67-годишнината од почетокот на антифашистичкото востание и народноосло- бодителната борба на 11 октомври 1941 година.
Високи делегации на Владата и на Собранието, претпладнево положија венци на партизанските гробишта и на гробот на командантот на Главниот штаб на Народноослободителната војска Михајло Апостолски во Скопје.
Венци се положени и пред споменикот на првиот претседател на Президиумот на АСНОМ, Методија Андонов Ченто во Прилеп и пред Спомен костурницата на паднатите борци од НОБ на Македонија во Куманово.
Во рамки на одбележувањето на државниот празник, напладне во Собранието на Македонија беше доделена традиционалната награда „11 Октомври“.
Годинешни добитници на наградата „11 Октомври” за животно дело во областа на науката и образованието за 2008 се лингвистот проф. д-р Коста Пеев, историчарот проф. д-р Михајло Миноски и на Истражувачкиот центар за генетско инженерство и биотехнологија при МАНУ од Скопје.
Во областа на културата и уметноста награда „11 Октомври” за животно дело доби писателот и академик Божин Павловски.
Академици, историчари и универзитетски професори попладнево во Скопје ќе дискутираат на јавна дебата на тема „Зошто востанието во 1941 година го кренале комунисти”.
Одбележувањето на годишнината од Денот на востанието започна во петокот вечер со Свечена академија што се одржа во Домот на Армијата во Скопје.
Copyright 2008 makfax Сите права се задржани. Текстов не смее да се печати или емитува, во целина или во делови, без договор со makfax.
11.10.2008
Плејмејкерот на Колумбус Кру, Гиљермо Барос Скелото е прогласен за најкорисен фудбалер на основниот дел на американската професионална фудбалска лига.
