За Словенецот од Пиран кој го тужел соседот поради штета од 13 евра судската постапка заврши според поговорката „Поскапа питата од тепсијата“. За трошоците од едногодишното судење морал да плати 1000 евра.
Тужителот тврдел дека од балконот на соседот му бил фрлен предмет што му го скршил ретровизорот на веспата, но во текот на целата судска постапка не успеал тоа да го докаже.
Бидејќи не се согласил со спогодбата која му носела 47 евра, ги изгубил и нив, а морал да плати и илјада евра на име судски трошоци.
Без оглед на таквата пресуда, на тужителот сепак му падна камен од срцето, бидејќи на крајот сепак дојде до својата правда, иронично прокоментира пиранскиот дописник на љубљанско Дело,
Борис Шулигој.
10.10.2008
Плејмејкерот на Колумбус Кру, Гиљермо Барос Скелото е прогласен за најкорисен фудбалер на основниот дел на американската професионална фудбалска лига.
