Полска најверојатно ќе помине без остри санкции откако утре во Фудбалската федерација ќе се вратат сменетите челници.
Претседателот на светската фудбалска федерација,
Сеп Блатер, откри дека полската влада не испратила гаранции за враќање на одговорните во тамошната федерација на поранешните позиции, но има најави дека тоа ќе се случи во тек на утрешниот ден.
„Примивме писма и документи во кои се тврди дека е постигнат договор помеѓу полскиот фудбалски сојуз и владата. Доколку челниците се вратат на своите функции, нема да има никакви санкции по репрезентацијата. Во тој случај Полска ќе може да ги игра своите квалификациски натпревари против Чешка и Словачка, а ние ќе продолжиме да ја следиме ситуацијата“, изјави претседателот на ФИФА.
Занимливо е тоа што УЕФА сеуште не се огласи, па не се знае дали ќе има санкции од нивна страна, но најверојатно и тие ќе заборават на проблемите доколку се оди како што треба. Според познавачите, Европското првенство во 2012 година дефинитивно ќе се оддржи во Полска и покрај сите проблеми што ги имаше тамошната фудбалска федерација.
Целиот случај додатно ќе биде разгледан од извршниот одбор на ФИФА кој има закажано седница на 23 и 24 октомври.
6.10.2008
Плејмејкерот на Колумбус Кру, Гиљермо Барос Скелото е прогласен за најкорисен фудбалер на основниот дел на американската професионална фудбалска лига.
