Словачкиот репрезентативец ќе остане надвор од терените прилично долг период, откако во неделниот натпревар со Манчестер Сити се здоби со тешка повреда на коленото.
Шкртел имаше еден незгоден пад во тек на натпреварот со Сити, натпреварот беше во прекин десетина минути, а поради претрпениот шок лекарскиот тим му даде и кислород. Тој беше отстранет од тревникот и потоа беше изложен на детални лекарски прегледи кои сепак не беа доволни за да се определи точниот период на отсуство.
„Во вторник ќе го прегледа специјалист и ќе ја процени тежината на повредата“, потврди портпаролот на клубот и додаде: „ Дури тогаш ќе имаме точна процена на повредата и ќе знаеме кога ќе може да се врати во тимот“.
Мартин Шкртел дојде од руски Зенит во јануари оваа година и успеа да се наметне кај
Бенитез како стандарден првотимец. На негово место сега најверојатно ќе заигра
Даниел Агер, кој беше истиснат од првиот тим токму од Словакот.
6.10.2008
Плејмејкерот на Колумбус Кру, Гиљермо Барос Скелото е прогласен за најкорисен фудбалер на основниот дел на американската професионална фудбалска лига.
