Во чест на македонската музичка икона Тоше Проески, вечерва со почеток во 19,30 часот на Градскиот стадион во Скопје ќе се одржи голем хуманитарен меѓународен концерт под наслов „Те сакаме сите Тоше“.
На концертот чиј покровител е македонската влада и министерството за култура, а организатор е Меѓународната фондација Тоше Проески - Крушево, ќе настапат пејачи и групи од Македонија меѓу кои Калиопи, „Синтезис“, Симон Трпчески, Наум Петрески, Адријан Гаџа и Игор Дурловски, како и хорот и оркестарот на Македонската опера и балет под диригенство на Саша Николовски - Ѓумар.
Покрај нив, во чест на Тоше ќе настапат и странските пејачи Леонтина, Владо Георгиев, Жељко Самарџиќ, Гоца Тржан, Тони Цетински, Аки Рахимовски, Биља Крстиќ, Бојан Маровиќ, Маја Татиќ и Виталиј Козловски.
Водители ќе бидат Ели Танаскова, Игор Џамбазов и Тони Михајловски.
Сцената е со големина 17 на 12 метри. Лед екраните, со кои ќе се постигне висока резолуција на сликата, а првпат се во Македонија, се со големина од 100 метри квадратни и се донесени од Загреб. За да се заштити тревната површина се поставува специјална порта флор - подлога преку целата зелена површина.
Средствата собрани од билетите директно се уплаќаа на хуманитарен фонд на сметка на Меѓународната фондација Тоше Проески-Крушево.
Хуманитарната мисија, преку отворање донаторски броеви за време на концертот, ја преземаа и повеќе медиуми од регионот, како хрватската СМС, босанската ТВ Хајат, црногорската МБЦ, српските Пинк и Свет плус и бугарската Балканика.
Организаторите планираат ваков концерт да се одржува секоја година.
5.10.2008
Плејмејкерот на Колумбус Кру, Гиљермо Барос Скелото е прогласен за најкорисен фудбалер на основниот дел на американската професионална фудбалска лига.
