Бер: Грчката позиција за името е неприфатлива

Грчката позиција за името е неприфатлива, а на Македонците треба да им се каже дека во иднина ќе бидат Македонци. Ова денеска во Скопје на средбата со македонските пратеници го изјави европратеникот Ангелика Бер. „Грчката позиција за името е неприфатлива бидејќи има договор според кој прашањето за името не е пречка Македонија да стане дел на меѓународните организации“, појасни Бер. Во однос на ова прашање таа побара отворена дискусија во Собранието. Бер на средбата со пратениците истакнала и дека „Македонија заслужува да добие датум за почеток на преговори со Европската унија“.