24-годишната Ивана Благојевиќ од Братунац, Босна, починала во неделата на сопствената свадба. Невестата тргнала да заигра на омилената песна, која и била последна во животот!
Ивана Благојевиќ тргнала да заигра на омилената песна кога паднала среде ресторанот. Останала на место мртва, а докторите утврдиле смрт од срцев удар, пренесуваат медиумите од Република Српска.
Драго Благојевиќ, зетот кој стана вдовец на својата свадба, не може да поверува дека неговата Ивана е мртва. Раскажа дека прославата почнала во неделата наутро и дека Ивана цело време била весела.
„Не се пожали на никакви тегоби. Прво се венчавме в црква, а потоа и во општината. Во ресторанот, каде беше веселбата, Ивана тргна да заигра и одеднаш се сруши. Прво помисливме дека се онесвести од умор, но тогаш видовме дека не дава знаци на живот. Ја однесовме во блиската болница, но за жал....“, раскажа Благојевиќ и додаде дека Ивана никогаш немала проблеми со срцето.
„Не знам што да речам. Ни во најцрните кошмари не можев да помислам дека ќе се случи ваква трагедија. Во саботата се подготвувавме за свадба, а денеска за погрев. Наместо музика и смеење, сега целата куќа е во плач“, во очај изјави Драго.
Цел Братунац е во шок. Жителите велат дека ваква трагедија не се случила досега.
„Беа заедно три години. Многу се сакаа. Кога Драго заврши електротехнички факултет и се вработи, одлучија нивната врска да ја крунисаат со брак“, вели расплаканата сосетка
Зорица Павловиќ, додавајќи дека Ивана била примерна девојка.
30.09.2008
Плејмејкерот на Колумбус Кру, Гиљермо Барос Скелото е прогласен за најкорисен фудбалер на основниот дел на американската професионална фудбалска лига.
