Над седумдесетина луѓе се затруени од слатки купени од слаткарницата Ринија во старата Скопска чаршија, пренесе телевизијата А1.

Иако објектот бил затворен од санитарната инспекција, газдата ги искинал лентите и повторно продолжил со работа. Информираните граѓани продолжиле да си купуваат.

Па, што ќе работат на инфективната клиника?

Да бидам и јас од корист, еве доставувам неколку предлог мерки со кои владата повторно ќе докаже дека мисли на овој народ.

Прво, би можело да се постави едно амбулантно возило пред слаткарницата. Па, сигурно има луѓе кои јадат и внатре мајка му стара. Таман ќе ги фати столицата, како што изјави почитуваната докторка за А1 и оп директно во возилото и на клиника. Треба дури и да има ургентна екипа од неколку доктори кои ќе стојат пред слаткарница. Ќе почекаат муштеријата поштено да си го изеде свое слатко и стапуваат во акција.

Може и натпревар да се организира, кој ќе има најмногу столици во еден ден. На тие со над 30 ќе им се доделува признание. За ’најинформиран’ серко. Како награда добива компилација најразновидни слатки од дотичната слаткарница.

Всушност, кога подобро ќе размисли човек пред локалот треба да има и неколку возила. Оти очигледно се работи за реномирана слаткарница со многу муштерии, кои не потпаѓаат под пропагандите на злите сили и не се согласуваат со вакви монтирани процеси.

Утрото, инспекторите успеале да го затворат локалот со помош на полицијата. Но, газдата ги скинал лентите и продолжил да си продава. Е, потоа, откако сопственикот повторно почнал да работи, излезе ресорниот министер и изјави дека инспекторите биле во мал број и не можеле да стигнат. Хм, да не јаделе и тие од слатките, па моментално ја имаат дваесет и четвртата столица?

Си велам, добро е што ДУИ е во власта. Замислете да не беше.... Сега ќе излезеа на протести против ’славомакедонскиот окупатор’ кој не им дозволува да јадат слатки и им ги затвора омилените локали. Сигурно се сеќавате кога излегоа да протестираат бидејќи шверцерите се бркаа од улиците. Па, и тие треба да јадат слатки!

Но, затоа Тачи може да излезе. Ако не е веќе излезен. И тој може да поентира. Ако не јадел слатки....

Јасно е дека клетите славомакедонци работат на тоа граѓаните од етничката заедница која се идентификуваше со бројот 25.17 да не ги вкусат земските задоволства. Па, тоа биле и отровни еклери.

Во инфективната клиника е полно од луѓе..... им се јавуваат и на роднини и пријатели да купат слатки, ако не купиле денес. Хм, а што им носат за понада?

П.С. Црвенковски и Груевски пак се расправаат по медиуми. А, да им однесеше некој од слатките, па да се празнат на друго место....