Минатата недела се шпекулираше за тоа кој е татко на четиригодишниот син на Кели во продолжението од некогаш најпопуларната тинејџерска серија. Во последната епизода Кели откри дека Дилан е таткото, а со тоа најави дека можеби Лук Пери ќе се врати во Беверли Хилс.
Ваквото откритие дојде по жестоката кавга меѓу Кели (
Џени Гарт) и Бренда (
Шенон Доерти).
Џени на медиумите им раскажа дека на Кели и Дилан им е судено да бидат заедно.
„Продуцентите одлучија татко на детето да биде Дилан, бидејќи тој и Кели во минатото имаа страстна врска. Никој не може да одрече дека се создадени еден за друг. Дури ни јас во првите три епизоди не знаев кој е татко, а кога го прочитав сценариото, се ми стана јасно. Логично е Дилан да е таткото“, раскажа Гарт, а по повод ваквиот развој на настаните се очекува и враќање на
Лук Пери во серијата.
„Враќањето на Лук Пери во серијата моментално е во преговори, бидејќи авторите на серијата сакаат да направат љубовен триаголник Кели-Дилан-Бренда“, изјави извор од продукцијата.
Џени се надева дека освен Пери во серијата ќе се врати и
Џејсон Пристли кој го глумеше Брендон.
„Навистина би сакала да работам со Лук, просто го обожавам. Исто така би сакала да работам и со Џејсон и би била пресреќна кога во серијата ќе има барем еден од нив двајца“, призна 36-годишната Гарт која улогата во новиот Беверли Хилс и помогна да се обиде да ја врати старата слава.
18.09.2008
Капитенот на јувентус на саботниот настап против Реџина го постигна 250 погодок во дресот на Јувентус. Сега навивачите го одбираат најдобриот.
