Владата ќе купи 100 двокатни автобуси за јавниот превоз во Скопје.
На тендер ќе бидат купени и два туристички отворени панорамски автобуси, што ќе се користат во Скопје и Охрид.
„Скопје ќе добие 100 нови климатизирани автобуси конструирани според најновите стандарди со низок под и со рампи за лица со посебни потреби”, соопшти денеска вицепремиерот Ивица Боцевски на прес-конференција во Владата.
Според Владата, набавката на новите автобуси за Јавното сообраќајно претпријатие (ЈСП) е во функција на обновување на застарениот возен парк во главниот град.
Владата донесе одлука за набавка на нови автобуси, поради сериозни опструкции од градските власти што се вршеа со претходниот тендер за набавка на автобуси, наведе Боцевски
Тој додаде дека скопскиот градоначалник Трифун Костовски ветил оти ќе ги врати претходните средства што Владата му ги додели на градот за набавка на нови автобуси за ЈСП Скопје.
Copyright 2008 makfax Сите права се задржани. Текстов не смее да се печати или емитува, во целина или во делови, без договор со makfax.
3.09.2008
Поради неодложни обврски, викендов ги немаше вообичаените видеа од натпреварите ширум Европа. Се извинуваме поради тоа и отсега продолжуваме со вообичаеното темпо - видео по секој поинтересен натпревар. 
