Прекрасни сицилијански вили со поглед на Медитеранот се продаваат за само едно евро. Има само една малечка „заебанција“.
Иако пазарот на недвижнини цвета, на Сицилија очигледно не е баш така со оглед на последната понуда – вила за едно евро.
Сепак, има една малечка „заебанција“. Ако станете сопственик должни сте комплетно да ја реновирате вилата, а тоа нема баш евтино да ве чини бидејќи сите се напуштени по земјотресот од 1968 година. Се проценува дека реставрацијата на една вила чини најмалку 100 илјади долари.
На ваквата идеја дојде градоначалникот
Виторио Сгарби кој со ваквата понуда планира „да убие две муви со еден удар“. Се планира да се привлече клиентела желна за мирен одмор, која воедно ќе ги реставрира вилите на своја сметка.
Секако, новите сопственици ќе мора да ги обноват вилите по пример на нивниот поранешен изглед и тамошната архитектура. Има и уште едно „ама“. Никој не ви гарантира дека главниот причинител за земјотресот, вулканот Етна нема повторно да направи катастрофа.
„Мислам дека луѓето кои имаат чувство за бизнис ќе ја препознаат оваа прилика“, изјави Сгарби. „Во замена за едно евро нудиме вили кои ќе ги преуредат во нивниот првобитен изглед“, додаде градоначалникот.
2.09.2008
Напаѓачот на Челзи има навистина тежок период, но и покрај сите шпекулации, денес од клубот објавија дека тој сепак нема да замине од Лондон.
