Гугл знае се за пребарувањето на интернет, па и не не зачуди веста дека се одлучија да направат прелистувач Од утре Google Chrome ќе биде достапен за спуштање.
Денес корисниците на компјутери најмногу време поминуваат користејќи веб прелистувач. Во него пребаруваат, сурфаат, пишуваат мејлови, се образуваат...
Благодарение на Фајрфокс, сурфањето во табови стана скоро стандард. Меѓутоа ако се јави проблем кај некој таб, појде целиот прелистувач.
Тоа ќе се обиде да го поправи новиот прелистувач што утре официјално ќе го понуди Гугл. Секој таб е изолиран од остатокот и така е спречено да се исклучи целиот прелистувач ако има проблем само со една страница.
Освен тоа Хром е многу внимателен кога е во прашање безбедноста на системот. Нема да дозволи страниците да впишуваат податоци на вашиот диск. Прелистувачот цело време ќе прави список на страници кои не се безбедни за посета и ако се најдете на таква страница веднаш ќе бидете предупредени.
Програмата ќе може бесплатно да се симне од интернет, а нејзиниот изворен код ќе биде отворен, односно софтверот ќе биде ослободен од авторски права и ќе може да се менува и развива. Во прво време ќе може да се користи само со оперативниот систем Виндоус на Мајкрософт, но од Гугл велат дека “напорно работат“ на верзија за оперативните системи Mac OS и Linux.
2.09.2008
Капитенот на јувентус на саботниот настап против Реџина го постигна 250 погодок во дресот на Јувентус. Сега навивачите го одбираат најдобриот.
