Рајкард ме тераше да играм и кога бев повреден

Тиери Анри, го обвини поранешниот тренер на Каталонците Франк Рајкард дека го ставал во игра дури и кога не бил подготвен.

Францускиот интернационалец беше критикуван за игрите во Барселона во својата првата сезона на Ноу Камп кои беа далеку од оние кои ги прикажуваше во Арсенал.

Но, објаснува дека дел од вината за тоа е и тренерот Рајкард кој го ставал во игра дури и кога не бил подготвен.

„Голема грешка е што минатата сезона играв во толкава мера. Не бев подготвен, не бев во оптимална кондиција, но Рајкард бараше од мене да играм. Ме присили и поради тоа излезе многу полошо отколку што требаше“, изјави Анри за шпанските медиуми.

„Што требаше да му кажам, дека не можам да го направам тоа? Сега можам да повеќе да трчам, имам сила да се соочам со дефанзивците. Претходно беше тешко, не можев да го правам тоа“, вели Анри.

„Би можел се да кажам за Рајкард но не сакам“.

Сезонава, новиот тренер Гвардиола веќе му кажа на поранешниот фудбалер на Монако и Јувентус дека тој е еден од клучните играчи и дека ќе настапува во шпицот на нападот. Лани дел од критиките за Рајкард одеа за тоа што практикуваше Анри да го игра на левата крилно-напаѓачка позиција во популарниот систем 4-3-3 со кој традиционално настапува Барселона.

Спорт