Неверојатно, но белорускиот БАТЕ Борисов ќе го гледаме во Лигата на шампионите. На крилјата на сјајниот Аргентинец Серхио Агуеро и Атлетико избори пласман, откако го елиминираше Шалке.
Во Галзенкирхен Шалке победи со 1:0, но во реваншот мадриѓаните беа неприкосновени и предводени од Кун Агуеро славеа со 4:0. Покрај него, стрелци беа и Форлан, Луис Гарсија и Макси Родригез.
Покрај БАТЕ Борисов во Лигата на шампионите сензационално се пласираше и кипарски Анортозис кој во 3 претколо го исфрли грчкиот Олимпијакос.
Балканските тимови имаа лош ден. Динамо Загреб загуби и по вторпат од Шахтјор, Партизан беше поразен од Фенербахче, а Левски Софија загуби токму од белорускиот шампион. Единствено романска Стеауа го елиминираше Галатасарај.
Интересно, во Лигата на шампиони ќе игра и дански Алборг, а за малку ќе се случеше чудо откако Ливерпул дури по продолженија го совлада белгиски Стандард, откако двата меча завршија 0:0.
Во ЛШ ќе ги гледаме и Фиорентина, Марсеј, Базел, Динамо Киев, Арсенал, како и тимовите кои вчера изборија пласман Панатинаикос, Јувентус и Барселона.
БАТЕ БОРИСОВ (Блр) - Левски (Буг) 1:1 (1:0)
Каунас (Лит) - АЛБОРГ (Дан) 0:2 (0:2)
ДИНАМО КИЕВ (Укр) - Спартак (Рус) 4:1 (4:1)
СТЕАУА (Ром) - Галатасарај (Тур) 1:0 (2:2)
ФЕНЕРБАХЧЕ (Тур) - Партизан (Срб) 2:1 (2:2)
БАЗЕЛ (Шва) - Виториа Гимараеш (Пор) 2:1 (0:0)
Олимпијакос (Грц) - АНОРТОЗИС (Кип) 1:0 (0:3)
АТЛЕТИКО МАДРИД (Шпа) - Шалке (Гер) 4:0 (0:1)
МАРСЕЈ (Фра) - Бран Берген (Нор) 2:1 (1:0)
Славија Прага (Чеш) - ФИОРЕНТИНА (Ита) 0:0 (0:2)
Динамо Загреб (Хрв) - ШАХТЈОР (Укр) 1:3 (0:2)
ЛИВЕРПУЛ (Анг) - Стандард Лиеж (Бел) 1:0 (0:0)
АРСЕНАЛ (Анг) - Твенте (Хол) 4:0 (2:0)
Играно во вторникот:
ПАНАТИНАИКОС (Грц) - Спарта Прага (Чеш) 1:0 (2:1)
Артмедиа (Слк) - ЈУВЕНТУС (Ита) 1:1 (0:4)
Висла Краков (Пол) - БАРСЕЛОНА (Шпа) 1:0 (0:4)
|
28.08.2008
На најновата АТП листа која е објавена денеска, најголем скок меѓу првите 100 тенисери направи Аргентинецот Мартин Васало Архуело, кој од 82 позиција се искачи на 71 место.
