Мурињо: Шевченко беше како принц

Шевченко откако замина во Челзи и имаше две неуспешни сезони се врати во клубот во кој го достигна својот врв, а поранешниот негов менаџер, сегашниот ривал тренерот на Интер Жозе Мурињо објасни зошто Шева не успеал на Стемфорд Бриџ.

Мурињо, во телевизиско интервју му посака се најдобро на Андриј Шевченко по повод неговото враќање во Италија, а објасни и зошто Украинецот кај него никогаш немал стаус на првотимец.

Според Мурињо, Шевченко од Милан допатувал со „статус на принц“, и таквиот негов став му оневозможил нормална соработка со Португалецот, иако никогаш немале лични несогласувања.

„Верувам дака во иднина тој повторно ќе биде врвен напаѓач, но можеби му била потребна промена, нов предизвик и ново опкружување за да биде среќен. Тој не беше мојот прв избор кога дојде, во клубот ми го доведоа како трета опција“, вели Мурињо.

„Имав прва и втора опција за напаѓачи кои ги барав. Знаев дека во тоа време во клубот прават се што можат за да ги доведат тие двајца кои ги барав, но тоа од разни причини не беше можно“, напоменува Мурињо и продолжува:

„Кога се сретнав со можноста да го добијам Шевченко реков ’да’, бидејќи без сомневање се работи за квалитетен играч. Но, тој во Милано беше како принц, а во Челзи имавме друга филозофија. Немаше принцеви, сите беа исти и сите мораа да се докажуваат за да би заслужиле место во тимот. Мислам дека тогаш изгуби самодоверба. Нов клуб, нов живот, нова лига, ново опкружување се се тоа разлози поради кои играчот тргнува во погрешна насока“, изјави харизматичниот Португалец.

Мурињо, сепак, очекува дека Шевченко по враќањето во Италија ќе се врати во старата форма.

„Тој е многу добар играч и посакувам повторно да стане Шева кој сите, вклучувајќи ме и мене, восхитуваат. Вистина е дека никогаш не сум имал лични недоразбирања со него и му посакувам се најдобро во иднина“, додаде Мурињо.

Спорт