Меделајн Роб се допишувала преку интернет со една жена од Америка, и, иако никогаш не се сретнале, станале добри пријателки. Пријателката Меган и испратила фотографија од првиот роденден на својата ќерка.
Но,
Меделајн на сликата здогледала нешто необично. Сенката преку едното око на девојчето и била сомнителна. Набргу на својата американска пријателка и испратила порака во која и советува да побара помош од лекар.
Кај малата
Роуан Сантос бил дијагностициран агресивен вид на рак – ретинобластом, а набргу и било направено операција и хемотерапија.
Двете мајки имале деца родени во ист ден и тие секогаш им биле омилена тема во нивните интернет разговори. Но, кога госпоѓата Роб ја видела фотографијата знаела дека нешто не е во ред. “Препознав нешто што го прочитав во една статија во весник“, вели таа.
„Окото рефлектираше светлина, но она што беше невообичаено е дека тоа не се појавуваше само на една фотографија, туку на сите“, додава таа.
Меган Сантос истиот ден кога ја примила пораката го однела бебето кај лекар и состојбата е дијагностицирана. Она што е интересно е дека овој редок вид на рак може да се открие во раната фаза преку фотографиите.
Госпоѓа Сантос вели дека не може доволно да се заблагодари на својата британска интернет пријателка за советот.
„Ако Меделајн не го забележеше тоа, кој знае кога ќе го однесевме бебето на лекар. Освен преку интернет пораките, навистина не се познаваме. Долго размислувала дали да ми го испрати мејлот и сега ми е драго што го направи тоа. Би сакала да ја запознаам во живо и да ја прегрнам. Таа е причината што нашето бебе ќе го доживее вториот роденден“, додава Меган Сантос.
Бебето, за жал, ќе го изгуби окото, но лекарите велат дека шансите да преживее се многу поголеми благодарение на раната дијагноза.
27.08.2008
На најновата АТП листа која е објавена денеска, најголем скок меѓу првите 100 тенисери направи Аргентинецот Мартин Васало Архуело, кој од 82 позиција се искачи на 71 место.
