Идниот пат кога ќе поминувате покрај стадо крави обратете внимание на нивната положба. Научниците тврдат дека кравите обично се наоѓаат на оската север/југ и тоа без разлика на временските услови.
Кравите автоматски покажуваат кон север, бидејќи имаат сопствен вроден компас, тврдат научниците.
Способноста да ја пронајдат северната страна можеби е остаток од дамнешни времиња, кога нашите предци номади требало да имаат развиена ориентација во просторот, за да можат да мигрираат по пространствата на Африка, Азија и Европа.
До овој заклучок дошла д-р
Сабина Бегал и нејзините колеги од универзитетот Дуисбург – Есен, кои набљудувале илјадници снимки на стока од Гугл Еарт, снимени во Британија, Ирска, Индија и САД.
Иако повеќето снимки не биле доволно остри за да се утврди на која страна на светот стоката е свртена, заклучено било дека се наоѓаат на оската север/југ.
Големите варијации во насоката на ветрот и сончевите промени во овие подрачка им покажале на научниците дека овие два фактори се исклучени како пресудни за страната на светот кон која се свртени.
„Заклучивме дека магнетното поле е единствено заедничко и најверојатно главен фактор за ваквата ориентација“; велат научниците во статијата објавена во Proceedings of the National Academy of Sciences Journalu.
Веќе е познато дека многу животински видови го користат магнетното поле на земјата при своите годишни миграции, како што се на пример, желките, лососите, термитите и птиците.
27.08.2008
На најновата АТП листа која е објавена денеска, најголем скок меѓу првите 100 тенисери направи Аргентинецот Мартин Васало Архуело, кој од 82 позиција се искачи на 71 место.
