Канадската полиција го уапси веројатно еден од најголемите крадци на велосипеди во светот. Станува збор за 49-годишен маж кој украл дури 3000 велосипеди од своите сограѓани.
Канадската полиција го уапси најголемиот крадец на велосипеди на светот.
Станува збор за 49-годишниот
Игор Кенк од Торонто, кај кого биле пронајдени 2.865 велосипеди и сега чека судење поради кражба, обид за кражба, поседување на украдена стока, како и поседување на алат за крадење.
Кенк бил фатен откако во текот на јуни биле пријавени поголем број кражби на велосипеди, поради што полицајците, како мамки, ’засадиле’ велосипеди низ целиот град и внимателно ги набљудувале.
Еден ден Кенк со својот соработник поминал покрај два велосипеди и се обидел да ги украде, но во мигот кога мислеле со нив да побегнат, биле уапсени од полицајците во заседа.
Подоцна полицијата влегла во продавницата Бајсикл Клиник, каде морале со помош на пожарникари да ги тргаат прозорците од првиот кат и велосипедите да ги извлекуваат со помош на импровизирана дигалка.
Уште 200 велосипеди биле пронајдени во станот на Кенк, заедно со големо количество дрога. Десетина луѓе откако разбрале за случајот се пријавиле во полиција дека Кенк од нив изнајмил гаражи, кои биле исто така, преполни со велосипеди.
Досега дури 15 илјади луѓе ја посетиле полициската станица со надеж дека ќе ги пронајдат своите велосипеди, а околу 500 од нив имале среќа.
27.08.2008
Поради неодложни обврски, викендов ги немаше вообичаените видеа од натпреварите ширум Европа. Се извинуваме поради тоа и отсега продолжуваме со вообичаеното темпо - видео по секој поинтересен натпревар. 
