Српскиот репрезентативец Немања Видиќ даде интересно интервју за рускиот магазин Football weekly каде што се осврна на начинот на живот во северозападна Англија.
Интересно е дека Немања, во Манчестер познат под прекарот Стена, истакна дека периодот во Манчестер Јунајтед му претставува само скалило во неговата кариера, а дека следна дестинација би можела да биде шпанската Примера. Не поради незадоволство, туку едноставно - поради климата.
„Никогаш нема да останам да живеам во Англија. Помеѓу облачните денови добивате само неколку сончеви интервали. Зимата е блага, но в лето температурата е само нешто над 20 степени. И секогаш дожд, дожд и само дожд“, започна
Видиќ.
„Би сакал да се пробам во уште некоја топ лига.... шпанската. Барем не би морал да се грижам за тоа какво ќе биде времето. Во Англија ми рекоа дека Манчестер е вистински дождлив град. Би рекол дека овде главна атракција е железничката станица каде луѓето едвај чекаат да фатат некој воз и да побегнат во некои потопли краишта“, изјави Видиќ и се осврна на британскиот начин на живот каде за разлика од Русија и Србија нема многу дружење.
„За разлика од Србија и Русија каде што играв порано, овде начинот на живот е тотално поразличен. Овде луѓето едноставно немаат време да почувствуваат радост. Се работи напорно во текот на неделата, а единствен момент за разговор е околу ручекот. Потоа доаѓа вечерното гледање телевизија и раното станување утредента, бидејќи е нов работен ден. Единствено време кога можете на мир да се видите со пријателите е викендот, но за фудбалерите тоа е најзафатениот ден во неделата“, вели Видиќ.
„Се сеќавам кога дојдов овде немав со кого да разговарам. Живеев сам во хотел кој го напуштав само кога одев на тренинзи. Помислив дека ќе полудам сам во тие четири ѕида“, заврши Видиќ кој во дресот на Манчестер има освоено две титули во Англиското првенство, Лигата на шампионите и два Супер купа на Англија.
Договорот на Видиќ со Манчестер му истекува во 2012 година. За англискиот првак одигра 70 натпревари и постигна четири гола.
27.08.2008
Напаѓачот на Челзи има навистина тежок период, но и покрај сите шпекулации, денес од клубот објавија дека тој сепак нема да замине од Лондон.
