Галијани: Сега Анчелоти мора да освои Скудето

Потпретседателот на Милан вели дека тој си го сторил своето со купување на многу засилувања, па сега на потег е тренерот Карло Анчелоти.

Милан навистина донесе многу фудбалери пред почетокот на сезоната. Тимот е засилен на секоја позиција. Има нов голман, два одбранбени фудбалери, три фудбалери од средниот ред, напаѓачи... Галијани е уверен дека го има идеалниот тим за да го освои првенството.

„Мислам дека Анчелоти мора да биде задоволен со летните засилувања. Сега тој е на потег и мора да го освои Скудетото. Имаме екипа за титулата и тренерот е свесен за тоа. Не значи дека мора да се освои, но барем да бидеме во игра се до последното коло“.

Галијани проговори и за шпекулациите кои велат дека наредната година Кака ќе оди во Челзи: „Тоа не е вистина, тој е фудбалер на Милан се до 2012 година. Плус и неговата желба е еден ден да биде капитен, а и овде да ја заврши кариерата. Ги уверувам сите дека ние немаме намера да го продадеме и дека кога го купивме Шевченко, Кака не беше ниту спомнат во преговорите“.

„Оваа сезона можат да си заминат Палоски и Одо кој е веќе во преговори со Лион, додека Бориело дефинитивно останува“.

Филип Крстевски/Таратур

Спорт