Милан Барош потпиша за Галатасарај

Чешкиот репрезентативен напаѓач денес потпиша договор со турскиот шампион, каде ќе игра во наредните три години.

27-годишниот фудбалер, кој беше најдобар стрелец на ЕУРО2004, минатата полусезона ја помина во Портсмут, откако не успеа да се наметне во тимот на Лион.

Барош за Лион одигра 30 натпревари и постигна седум голови. Toj oд почетокот на новата сезона не одигра ниту една минута, а ниту тренерот Клод Пуел не сметаше на него.

„Договорот е потпишан и се е завршено“, изјави членот на управата на Галатасарај Халдун Устунел, кој додаде дека Чехот во четврток за прв пат ќе тренира со турскиот клуб.

Филип Крстевски/Таратур

Спорт