Како што објави нашата фудбалска федерација, влезниците за натпреварите кои Македонија ги игра со Шкотска и Холандија ќе можат да се купат веќе од 30 август.
Во целост ви го пренесуваме соопштението кое стои на официјалната веб страна на Фудбалската Федерација на Македонија:
Влезниците за квалификациските дуели со Шкотска и Холандија љубителите на фудбалот во Македонија ќе можат да ги купуваат од 30-ти август (сабота. 08.00 часот) на билетарите на Градски стадион и тоа по цена:
Шкотска – јужна трибина 1000 денари.
Шкотска – западна трибина 500 денари.
Холандија – јужна трибина 1000 денари.
Холандија – западна трибина 500 денари.
Во пресрет на овие средби ФФМ и МВР до јавноста го испраќаат следното соопштение:
Сите заинтересирани навивачи кои сакаат да ги следат средбите со Шкотска и Холандија ќе можат да купат по најмногу две влезници по натпревар и тоа со идентификација со лични документи.
За гостинските навивачи влезниците ќе бидат распределени преку Фудбалските федерации на Шкотска и Холандија и тие ќе бидат сместени на источната трибина. Секој гостински навивач кој ќе биде затекнат на Јужната или Западната трибина ќе биде отстранет од стадионот заради негова безбедност. Влезницата ќе биде одземена и по спроведената контрола(според идентификацијата) против препродавачот на истата ќе бидат превземени соодветни санкции.
Се предупредуваат сите посетители на натпреварите при влезот со себе да не носат било какви предмети( запалки, пенкала, дрвени и железни држачи за знамиња, ситни железни пари или било кој друг предмет кој претставува опасност), навивачки реквизити (пиротехника), пијалоци кои можат да се злоупотребат за фрлање кон противничките навивачи, или пак кон фудбалерите на теренот. Сите оние кои ќе бидат откриени дека поседуваат било какви пиротехнички материи ќе бидат отстранети од стадионот, а материјалите и картите ќе им бидат неповратно одземени. Воедно ќе следуваат и соодветни санкции.
Се молат посетителите да се воздржат од расистички скандирања или неспортско навивање кое може да повлече драстични казни од страна на органите на ФИФА и УЕФА.
Актерите на теренот треба да се бодрат спортски и во духот на фер-плејот. Во таков дух треба да се однесуваме и кон гостинските навивачи.
25.08.2008
Напаѓачот на Челзи има навистина тежок период, но и покрај сите шпекулации, денес од клубот објавија дека тој сепак нема да замине од Лондон.
