Кралскиот клуб на Сантијаго Бернабе ја совлада Валенсија со 4:2 и уште еднаш ја потврди својата супериорност во Шпанија.
Реал во возвратниот натпревар влезе со заостанување од 1 гол (3:2) од Местаља, но на својот тревник со два играчи помалку успеа да ја совлада Валенсија.
При резултат од 1:1 (
Д.Силва, В.Нистелрој), откако поради црвени картони играта ја напуштија
Ван дер Варт и Ван Нистелрој, шпанскиот првак во три наврати успеа да ја затресе мрежата на
Тимо Хилдебранд. Стрелци беа
Рамос,
Де ла Ред и
Игуаин, а вториот погодок за Лилјаците го постигна поранешниот играч на Реал
Фернандо Мориентес.
Натпреварот на Сантијаго Бернабе започна со едноминутен молк поради загинатите во тешката авионска несреќа во Шпанија. Помеѓу 154 погинати лица беше и мајката на 15-годишниот
Мартин Кожухаров, фудбалер кој неодамна му се приклучи на младиот тим на Реал Мадрид.
Шустер вчера не можеше да смета на
Весли Санјдер,
Фабио Канаваро,
Хавиер Савиола,
Мичел Салгадо и
Криштоф Метзелдер, како и на
Гаго и
Марсело кои туку што ги завршија своите настапи на ОИ во Пекинг. Сепак, кралскиот клуб покажа карактер и квалитет и дури без двајца играчи го декласираше својот противник.
Видеото од натпреварот помеѓу Реал Мадрид и Валенсија можете да го погледнете овде.
Филип Крстевски/Таратур25.08.2008
Поради неодложни обврски, викендов ги немаше вообичаените видеа од натпреварите ширум Европа. Се извинуваме поради тоа и отсега продолжуваме со вообичаеното темпо - видео по секој поинтересен натпревар. 
