Видео: Првиот италијански трофеј за Мурињо

Со подобро изведување на пенали Интер славеше победа од 6:5 над Рома со што новиот тренер на нароаѕурите ја започна сезоната со титула во италијанскиот Суперкуп.

Интер дојде до водство во 18 минута кога Сали Мунтари во своето официјално деби по доаѓањето од Портсмут ја затресе мрежата на Римјаните, кои пак во 40 минута возвратија преку Де Роси, кој со силен удар од 20 метри ја затресе мрежата на немоќниот Жулио Цезар.

Кога резервистот на Интер Балотели погоди во 83 минута се чинеше дека нероаѕурите се на прагот на победа, но Мирко Вучиниќ со гол во последните минути го одведе натпреварот кон продолженија.

Победникот во Суперкупот го одлучи Жуан кој не беше сигурен при изведувањето на пенал.

„Го освоив Суперкупот, но сакам да потсетам дека го освоив поради шансата која ми ја даде Роберто Манчини - освојувачот на Скудетото.“

„Овој натпревар е одговор на сите оние кои трврдат дека во Италија не се игра добар фудбал. Видовме спектакл со четири погодоци“, изјави Португалецот на клупата на Интер Жозе Мурињо.

Видео од натпреварот!

Филип Крстевски/Таратур

Спорт