Изборот за „Мис калуѓерка на Италија“ засега ќе биде само на интернет, но организаторот сака убавите калуѓерки еден ден да се појават и на избор за Мис Италија. Има голем интерес!
Италијански свештеник на почетокот на септември ќе организира избор на Мис калуѓерка на Италија, јавува Корере дела Сера.
Калуѓерките кои ќе сакаат да се натпреваруваат ќе мора да му испратат своја фотографија на свештеникот
Антони Рунџи, кој ќе ги објави фотографиите на својот блог. Потоа сите што имаат пристап до интернет ќе можат да гласаат за најубавата калуѓерка.
„Мислите дека сите калуѓерки се стари, слаби и тажни? Денес тоа не е веќе така, благодарение на доаѓањето на млади сестри во нашата земја, полни со живот, посебно од странство“ објаснува идејниот зачетник на необичното натпреварување.
„Има сестри од Африка и Латинска Америка кои се многу, многу убави. Особено Бразилките“, продолжи свештеникот.
„Калуѓерките ми предложија да го организирам натпреварот“, вели свештеникот, кој очекува илјадници кандидатки и тврди дека многу калуѓерки веќе го потврдиле учеството.
„Се надевам дека следниот избор нема да се одржува само преку интернет туку ќе можеме да го организираме и во живо, да речеме за време на изборот за Мис Италија“, додава свештеникот- организатор.
24.08.2008
На најновата АТП листа која е објавена денеска, најголем скок меѓу првите 100 тенисери направи Аргентинецот Мартин Васало Архуело, кој од 82 позиција се искачи на 71 место.
