Грција, а не Македoнија, е страната во разговорите која не е подготвена за компромисно решение за името, посочи денеска шефот на македонската дипломатија Антонио Милошоски.
Неговата изјава уследи како реакција на оценката на шефицата на грчката дипломатија Дора Бакојани, дека премиерот Никола Груевски со активирањето на двојната формула прави сериозна грешка и сноси одговорност за каква било пречка во преговорите, и пошироко, за евро-атланскиот курс на државата.
„Изјавата на Бакојани е само потврда на претходните најави дека Грција, како прво, работи на сценарио со кое, употребувајќи го спорот за името, сака да покрие некои домашни прилично големи корупциски скандали, а, како второ, за науспехот на решавањето на овој од Грција наметнат проблем, да најде друг виновник, освен грчката влада“, изјави попладнево Милошоски за скопската телевизија Канал 5.
„Сметам дека нивната фригидност и закопаност во рововите на една непопустлива позиција, која има за цел да го наруши нашиот суверенитет, достоинство и право на самоопределување, е вистинската причина, заедно со нивните домашни корупциски скандали, зошто засега немаме поместување напред во разговорите за името“, оцени Милошоски.
Во врска со владиниот став за двојна формула за името, Милошоски посочи дека тоа одговара како преговарачка позиција во однос на грчкиот став за едно име за севкупна употреба.
24.08.2008
Напаѓачот на Челзи има навистина тежок период, но и покрај сите шпекулации, денес од клубот објавија дека тој сепак нема да замине од Лондон.
