50 Cent најбогат рапер на светот

Хип-хоп индустријата го доби својот крал! Куртис Џексон или попознат како 50 Cent, со скоро пет пати поголема заработувачка од лани, ги остави далеку своите рап конкуренти.

Куртис Џексон, алијас Фифти Сент е на врвот на најновата Форбс листа на хип-хопери со најголема заработувачка, благодарение на 150 милиони долари што ги заработи минатата година. За разлика од лани, популарниот рапер во 2006, заработи „само“ 32 милиони.

Колку е Фифти Сент супериорен покажува фактот дека второпласираниот Џеј-Зи, кој лани беше прв, заработил 82 милиони, односно скоро половина од него.

Според Форбс, Куртис Џексон оваа сума воглавно ја заработил благодарение на модната линија, видео игри, дискографската куќа G-Unit Records и се разбира, продажба на албуми.

Топ 10 рапери со најголема заработувачка:
1. 50 Cent - 150 mil. $
2. Shawn Carter aka Jay-Z - 82 mil. $
3. Sean 'Diddy' Combs - 35 mil. $
4. Kanye West - 30 mil. $
5. Timbaland - 22 mil. $
6. Pharrell Williams - 20 mil. $
7. Kasseem 'Swizz Beatz' Dean - 17 mil. $
8. Snoop Dogg - 16 mil. $
9. Dr. Dre - 15 mil. $
10. Ludacris - 14 mil. $

Музика