Понаивните веруваат дека армијата со добри намери ги прави овие истражувања, а оние позагрижените тврдат дека технологијата ќе биде употребена и за испитување на заробеници. Хм....
Наоружани со четири милиони долари обезбедени од американската армија, научниците го проучуваат мозокот со цел да ги откријат начините на кои луѓето размислуваат и кому ги насочуваат тие мисли.
Војската тврди дека читањето мисли би било од голема корист при комуникација со војници на кои во битка им е оштетен мозокот, но многумина се загрижени дека оваа технологија би можела да биде искористена и за испитување на заробениците.
Истражувањето заедно го прават Универзитетот во Калифорнија, Универзитетот Карнеги Мелон и Универзитетот во Мериленд.
Научниците ја мерат активноста на мозокот со помош на електроенцефалограф. Доброволците на глава носат специјална капа со електроди. Научниците им даваат збор за кој треба да размислуваат и потоа ја анализираат активноста на мозокот.
Во иднина, се надеваат дека ќе развијат софтвер кој од анализите на активноста на мозокот ќе може да ги препознае мислите и да ги изговори.
Водачот на истражувањето
Мајкл Д`Змура вели дека системот нема да може да се користи без согласност на испитуваникот. Користењето на уредот ќе бара интензивно вежбање, а според неговите зборови, со години сме далеку од готов уред.
„Уште утрово точно и кажав на мојата секретарка дека има недозволена афера со пензиониран препаратор на животни, кој го сретнала во некоја перална. Исто така открив дека таа ужива во неговото друштво и дека неговиот пенис е поголем отколку на нејзиниот сопруг“, се пошегува Д`Змура, очигледно сакајќи да ги оттргне сомнежите на јавноста за ваквиот проект поддржан од армијата на САД.
19.08.2008
Во натпреварот што можевте во живо да го следите на Таратур, легендата на аргентинскиот фудбал на Хемпден Парк имаше одлична премира како селектор. 
