Грицкате ли здраво?

Ако имате високи критериуми при изборот на храна, а со тоа и повеќе грицки, можеби ќе ве изненади дека и оние ’здравите’ понекогаш кријат повеќе шеќер и помалку витамини од ’индустриските’, како на пример од чоколадните.

Мит: Сушеното овошје е нискокалорично и е здраво за грицкање.
Факт: Сушеното овошје е истото овошје само минус вода, што значи дека ни ги остава овошните шекери кои се со голема енергетска вредност или што би се рекло, покалорични.

На пример свежата каjсија содржи 12 калории на 43 грама, додека сушената од само 8 грама има три калории повеќе. Замката е во слаткиот вкус и полесното конзумирање што може да доведе до претерано грицкање и несакани ефекти по вашата линија.

Уште еден недостаток кај сушеното овошје исчезнувањето на витаминот Ц, но можете да се утешите со тоа што барем остануваат влакната.

Мит: Подобро е поривот за грицкање да се задоволи со плочка од житарки, отколку со чоколадна
Факт: Мусли-плочките се здрави додека има само житарки, но секогаш има и сушено, како и тврдо овошје (ореви, лешници, бадеми и сл.), парчиња чоколадо и кога се ќе се собере, процентот на маснотии и калоричната вредност парира на онаа од некоја стандардно „лошо“ чоколадо.

Чоколадата од друга страна, не се повеќе на тапет. Флавоноидите го чуваат нашиот крвоток, а фитофенолите во црното чоколадо го намалуваат високиот притисок. Што поголем процент какао, толку повеќе фотофеноли. Црното чоколадо исто така содржи и железо, а неколку коцки дневно може да делуваат и како аспирин, превентивно за ризик за инфаркт.

Мит: Се` што е од ’органско’ потекло е поздраво.
Факт: Студиите се уште не ги потврдуваат овие наводи. Повеќе станува збор за животен стил и за принципи отколку за здрав живот. Сепак, постојат факти дека млекото од кравата од органските фарми е побогато со омега 3 киселината од индустриското.

Мит: Ознаката ниска или намалена масленост на етикетата се сигурен показател.
Факт: Па не баш. Според ЕУ регулативите, производите кои се категоризираат под низок процент на масленост (low fat), мора да содржат помалку од 3г масленост на 100г маса. За оние кои се водат под ’намалени’ (reduced), не постојат правила, предупредува Ана Дени, нутриционистка од British Nutrition Foundation. Маснотиите можат да бидат намалени, но да се заменат со други состојки, па производот пак да биде висококалоричен.

Здравје