На чекор до невидливост

Истражувачите од Универзитетот Калифорнија тврдат дека се само на чекор до целосно производство на материјал кој ќе ги направи луѓето невидливи. Материјалот може да го скрши светлото околу 3Д објектите и така прави тие да ’исчезнат’.

Овој материјал не постои во природата, туку е создаден со нано технологија и е со големина од милијардит дел од метарот, пренесува Би-Би-Си.

Истражувачкиот тим, предводен од Ксианг Занг тврди дека со ова постапка и во одредени услови би можело да се направи невидлива облека, доволно голема да ги ’скрие’ лушето.

Овој систем работи на принципот на кој водата тече околу карпите, велат истражувачите. Со оглед на тоа што објектот не ја апсорбира, ниту ја рефлектира светлината, човекот го гледа светлото единствено од позади, што го прави објектот невидлив.

Новиот материјал има негативна рефлективност, односно повеќеслојна структура на ’рибарска мрежа’ која е проѕирна во широк распон.

Истражувањето, кое е финансирано од американската влада, еден ден би можело да се искористи во воените операции, поточно кај тенковите и другата артилерија која ќе ’исчезнува’ точно пред непријателските борбени редови.


Повеќе:
Profesor Xiang Zhang's Research Lab - UC Berkeley
xlab.me.berkeley.edu

Научна Реалност