Германец одбил да земе два милиони фунти добиени на лотарија?

Што мислите, колку е стара оваа вест, која денес ја објави еден забавен портал, преземајќи ја најверојатно од агенцијата Нетпрес, без притоа да го наведе изворот?

Долго време од објективни причини се двоумев дали воопшто да се занимавам со нив, но да се објави вест стара една година, без притоа да се провери информацијата е во најмала рака непрофесионално.

Забавниот портал (еве им бесплатна реклама) кој треска најмногу глупости на пиксел квадратен денеска ’пријатно’ ме изненади со веста што ја презеде од агенцијата Нетпрес (без притоа да наведе од каде е преземена) за некој Германец кој добил многу пари на лотарија (2 милиони фунти), а не сакал да ги земе парите.

Се` ќе беше во ред, ако не се работеше за вест на која и е поминат рокот уште одамна. Имено, покрај тоа што не е точно наведен градот (се работи за Хамелн, а не Хелмен), веста е стара, верувале или не, од септември 2007. Колку за информација, денес е 8 август 2008.


Оригиналните вести со датум од 19 септември 2007:

German Man refuses 2 Million Euros Lottery money

Man refuses R19m lottery win

Man refuses $4 million lottery win

Преземената вест од 08 август 2008:
Германец одбил да земе два милиони фунти добиени на лотарија


П.С. Можеби некој ќе се лути или ќе биде навреден од ваквите укажувања, но, факт е дека како портали не можеме да добиеме имиџ на сериозност, ако секој презема од каде што ќе стигне (информациите што ги објавува Таратур безобзирно ги КРАДАТ уште најмалку 5-6 т.н. забавни портали), и ако никој не ја проверува дотичната информација.

Навистина, да го напишеш Робињо како Робин, на секое да оставаш хрватски падежи при имињата, Џесика Алба да ја наречеш Албина, Рамос да го напишеш како Рамосо, момчето аутист да го преведеш во акустичен .... е навистина треба да си талент!

Мајтап