Новозеландскиот рептил Хенри, по 30-годишна апститенција од секс ги доби своите први потомци спарувајќи се со 80-годишната Милдред во Саутленд Музејот на Нов Зеланд.
Новозеландскиот рептил туатара – еден од последните живи рептили, потомци на диносаурусите по прв пат стана татко и тоа во 111 година од животот.
Милдред, 80-годишната партнерка на Хенри, во средината на јули изнесе 12 јајца во Southland Museum на новозеландскиот Јужен остров.
Туатара е влекач кој живее само на подрачјето на Нов Зеланд и припаѓа на одамна изумрените рептили од редот Sphenodontia.
Тој е роднина и со гуштерите и со змиите. Единствен преживеат претставник е од видот кој пред 225 милиони години шетал на земјата заедно со диносаурусите, велат зоолозите.
Хенри во посебен оддел на Саутлендскиот музеј живее од 1970 година и до неодамна не покажуваше интерес за секс, се додека од гениталиите не му беа отстранети канцерогените израстоци.
Сега ужива во друштво на три женки и се очекува дека во март повторно ќе се пари. Кај овие рептили само предиграта би можела да трае со години, па треба да се биде трпелив.
6.08.2008
Во натпреварот што можевте во живо да го следите на Таратур, легендата на аргентинскиот фудбал на Хемпден Парк имаше одлична премира како селектор. 
