Сакате необична масажа и отстранување на мртвите клетки од кожата на стопалата? Зошто не наминете во Вашингтон, во салонот кој наместо педикири и масери имаат риби што ги грицкаат уморните нозе.

Ако сте блиску до салонот Yvonne Hair and Nails може да заборавите на ножиците, омекнувачите на кутикули, каменот за петици и на турпиите. Таму нема педикири, нивните муштерии ги дочекува аквариум преполн со рипчиња кои ќе ви ги средат нозете како што ниеден професионалец нема да може.


И колку чудно да ви звучи, рибите педикири, односно од видот Garra rufa ви ги грицкаат стопалата и ги отстрануваат мртвите клетки штом ќе ги пикнете нозете во аквариум, додека здравата кожа ја оставаат, така што ги викаат и риби доктори, затоа што се многу полезни за човечките нозе.

Џон Хо, кој е сопственик на салонот заедно со жената му Ивон, вели дека прво биле скептични во однос на тоа како ќе биде прифатена оваа техника, која е позната во бањеите во Турција, од каде што се и рибите донесени, како и во делови на Јапонија, Кина, Сингапур и Малезија.

Но, сомневањата се покажале залудни, бидејќи по кратката промоција салонот е се попосетуван, а дури и посетителите тврдат дека „ги имале најдобрите педикири што може да ги имаат“.