Вака, прво да ги запознаеме луѓето што е тоа SellaBand.com

Тоа е веб-сајт кој почна да работи во Август 2006-та година, и е со многу интересен концепт. Се работи за сајт кој е прв во тоа што го прави, а тоа е продавање/купување на својот бенд (или својата музика) низ целиот свет, но на еден поинаков начин.

Начинот е овој: Се регистрираат корисници од целиот свет. Меѓу нив некои се музичари, групи, пејачи, а другите се верувачи во нивната музика. Верувачите се луѓе кои имаат некои повеќе, некои помалку пари за да инвестираат во бенд, пејач итн. Значи, секој артист што ќе се логира на тој сајт ќе треба да го промовира својот бенд преку својот профил што ќе го направи на самиот сајт. Во профилот може да се стават најмногу 3 песни од музиката на артистот, неколку фотографии, биографија и било какви информации поврзани со нив.

Тоа е почетокот. После тоа артистот треба да ги бара верувачите, или “beleavers” како што таму ги нарекуваат, и да ги убеди со својата музика да инвестираат во нив. Секој верувач може да даде минимум 10$ (тоа е едно парче инвестиција), а се разбира, може да донира и многу пати помножено со тоа 10$.

Целта на веб сајтот е да се соберат 50 000$ за еден артист од верувачите, и со тие пари, се снима албум на тој што достигнал до 50 000$, се промовира албумот низ цел свет и се разбира, им се праќаат ЦД-а од албумот на верувачите кои инвестирале во тој бенд, како и сите пропратни рекламни материјали како маици, капи и.т.н.

До сега се избрани 4 артисти кои достигнаа 50.000$, а тоа се Nemesea, Cubworld, Second Person и Clemence. Сите тие се од различни држави, значи тоа не е пречка од која држава е артистот.


Македонците Steel Temple се први и единствени до сега на тој сајт, и се надеваме дека одлично ќе им тргне работата.Профилот на Steel Temple на тој сајт е www.sellaband.com/steeltemple

Инаку, Steel Temple напорно работат на новиот албум кој е во фаза на снимање, а се спремаат и за неколку концерти што ги очекуваат во наредниов период, попрецизно следнава пролет.