Сите ученици од основно и од средно образование ќе добиваат бесплатни учебници од учебната 2009/2010 година.
Ова, како што пренесува Макфакс, денеска го соопшти министерот за образование и наука,
Перо Стојановски на прес конференција во Скопје.
Стојановски информираше дека еден комплет учебници ќе го користат две генерации од одделенската настава, додека во предметната настава и во средното образование, учебниците ќе бидат менувани на секои три генерации.
„Новината е и во тоа што со новиот Закон за учебници за основно и средно образование им се дава можност на авторите директно да конкурираат со свои ракописи. Досега тоа го правеа издавачките куќи, а сега ги отвораме можностите, за секој оној кој смета дека има квалитетен ракопис да може да аплицира, без притоа да се врзува со одредена издавачка куќа“, посочи Стојановски.
Целокупната техничка поддршка и процедура околу спроведувањето на конкурсот, изборот на ракопис ќе го прави Педагошката служба која што е орган во состав на Министерството за образование и наука (МОН).
Една од новините, според Стојановски, е тоа што МОН ќе ги откупи авторските права на ракописите кои што ќе бидат одбрани, при што веќе авторите нема да се врзуваат со бројот и тиражот што ќе биде печатен. Со откупување на авторските права МОН ги превзема издавачките права.
Самите училишта ќе имаат право да изберат кој учебник ќе се користи по одделните наставни предмети, а за либерализација на учебниците си останува истото правило, односно по еден наставен предмет ќе може да има најмногу три учебнци.
29.07.2008
Во натпреварот што можевте во живо да го следите на Таратур, легендата на аргентинскиот фудбал на Хемпден Парк имаше одлична премира како селектор. 
