Тужба до галерија заради скулптура на Исус со ерекција

Британската галерија Балтик повторно се најде на удар на критиките откако беше изложена и скулптура од Исус Христос со ерекција, направена од кинескиот уметник Теренс Кох.

Приватна тужба против галеријата поднесе 40-годишната Емили Мепфју, која за изложбата прочитала во весниците.

Судењето ќе почне во септември, а обвинението тврди дека галеријата ја навредила јавноста, односно дека го повредила британскиот Закон за јавен ред од 1986 година, за што може да добие казна од 5000 фунти и шестмесечна затворска казна за одговорното лице.

Ова е воедно и најпровокативното уметничко дело на изложбата во Балтик. Покрај Исус и Мики Маус и Е.Т. се прикажани со ерекција. Иако на влезот стои натпис дека на изложбата се наоѓаат скулптури од експлицитна природа, галеријата која е отворена во 2003 година, доби бројни тужби.

Во последното обвинение, се наведува дека скулпурата од Христос од 30 сантиметри е навредлива и дека ги понижува и предизвикува вознемирување кај христијаните.


Ова не е прва контроверза врзана за Кох (на сликата десно) или галеријата Балтик. Во 2006, две негови дела се повлечени од изложбата во Ројал Академи, едната од нив ја покажуваше Богородица со фалус на писоар, додека од галеријата Балтик полицијата ја отстрани фотографијата од Нан Голдин, во сопственост на Елтон Џон – две голи девојки.

Култура