Го чувам своето - додека пишувам на кирилица - постојам! Тоа е мотото на кампањата за зачувување, користење и модернизација на македонската кирилица, иницирана од Македонската информативна агенција (МИА) и Маркетинг агенцијата „Идеја плус комуникации“.
Иако е создадена пред повеќе од десет века на овие простори, со прегорна работа на светите Кирил и Методиј, творците на словенската писменост, и со посветеноста на нивниот ученик свети Климент Охридски, кирилицата неправедно се подзаборава и во употребата го „губи чекорот“ со латиницата.
Тоа е особено забележливо во новите глобални сфери - информатичките технологии, комуникациите и рекламирањето. Оттаму и поттикот за кампањата, што ќе опфати повеќе активности кои треба да ја подигнат свеста за правилна употреба на кирилицата.
Целта е да се покаже дека кирилицата е убава, применлива, отмена, грациозна, прогресивна, читка и модерна и поради тоа да се употребува секаде каде што е можно.
Во рамките на кампањата тече акцијата за популаризација на книгата и читањето, што ја води Издавачката куќа ЃУРЃА со продажба на новите изданија по симболични цени од 100 денари. Тие изданија пријателите на македонската кирилица можат да си ги купат секој ден на штандот кој се наоѓа на Плоштадот Македонија пред пицеријата ДАЛ МЕТФУ.
5.07.2008
Во натпреварот што можевте во живо да го следите на Таратур, легендата на аргентинскиот фудбал на Хемпден Парк имаше одлична премира како селектор. 
