И Израел е интересна туристичка дестинација Израел ги укина визите за граѓаните на Република Македонија. Оваа одлука на израелската Влада ја одобрила Комисијата за внатрешни работи на Кнесетот на седницата во неделата. Портпаролот на Министерството за надворешни работи Васко Андоновски изјави дека министерството официјално денеска беше известено преку Канцеларијата за врски во Тел Авив. По оваa постапка следува решение за техничко спроведување на одлуката на Кнесетот со точен датум за нејзино стапување во сила. После завршувањето на целосната процедура македонските граѓани ќе можат да патуваат слободно во Израел.