Мерењето на данскиот Институт Глоструп, покажа дека некои луѓе кога грчат ги надгласуваат големите кружни пили или турбините на големите патнички авиони кога полетуваат!
Некои Данци со грчење ја пречекоруваат законската граница за бучава на работно место. Има Данци кои рчат гласно до 91 децибел, а според данските закони, ако буката на работното место е посилна од 85 децибели, вработените мора да носат заштита за уши.
„Тоа одговара на бучавата што ја прават огромните пили или турбините на големите патнички авиони додека полетуваат“, ја коментираше измерената вредност, експерт од данскиот синдикат.
Ваквиот звук е штетен за партнерот, бидејќи сетилото за слух, доколку нема заштита би можело трајно да се оштети.
Од институтот им советуваат на партнерите на луѓето кои прегласно рчат, секако да користат заштита за ушите, но и порано да си легнуваат од својот партнер.
„На тој начин може да се постигне предност и да се влезе во длабок сон кога партнерот ќе почне да грчи“, вели стручњакот за овие прашања
Пол Јенум.
29.05.2008
