Италијанскиот клуб денес официјално објави дека е постигнат договор со чешкиот репрезентативец кој ќе ја продолжи кариерата во Јувентус.
Малата сага околу неговата иднина заврши со денешното продолжување на договорот кој сега трае до наредното лето. И клубот и фудбалерот го изразија своето задоволство за продолжената соработка.
„Мојата одлука е базирана на седум извонредни години кои ги поминав овде. Јас сум емотивно врзан со Јувентус и сакам со овој тим да играм во Лигата на шампионите“, изјави
Павел Недвед за веб страната на клубот.
„Ова е најдобриот начин за да го започнеме засилувањето на тимот за наредната сезона“, додаде претседателот
Жан Клод Бланк.
Филип Крстевски/Таратур
14.05.2008
