Магазинот Тајм од 1933 година тврди дека постоел Кинез кој живеел неверојатни 256 години. Според други извори, Кинезот не бил толку стар – имал само 197 годинчиња. Во контото запишал 23 жени и над 180 потомци. Машала!
Французинката стара 122 години, за која се сметаше дека е најдолговечниот човек, би можела да падне во сенка на Кинезот за кој постојат индикации дека живеел 256 години. Барем така тврди магазинот Тајм од 1933 година.
Ли Чинг-Јун според статиите на Time и New York Times од 1933 година, позади себе оставил 23 жени и починал опкружен со 180 потомци.
Чувај го срцето мирно, седи како желка, движи се како гулаб и спиј како куче, бил советот на кинескиот метузалем кој живеел преку 200 години. Ли сметал дека внатрешниот мир е главниот клуч за долговечност, а прехраната главно му се состоела од ориз и вино.
Не се знае премногу за неговиот живот. Се знае дека се родил во покраината Сечуан, каде и починал, а се занимавал со собирање и продажба на разни билки и имал нокти долги 15 сантиметри. Велат дека изгледал многу младолико, што многу луѓе ги натерало да се посомневаат во податокот за неговите години.
Ли тврдел дека се родил во 1736 година, но професорот и деканот на Универзитетот Минкуо, Ву Чунг-Чием во 1930 година пресметал дека се родил многу порано – во 1677 година.
Постојат и документи за тоа дека кинеската империјална влада му честитала 150-ти и 200-ти роденден. Но 197 или 256 години, сеедно, секако е неверојатно, бидејќи Ли очигледно бил вистински хајлендер и заводник.
Купувајте ориз и делкајте пиво – жените сами ќе си дојдат!
Повеќе:
Ли Чинг-Јун во магазинот Тајм од 1933
Статијата од Њујорк Тајмс
Ли Чинг-Јун - Википедија5.05.2008
