Иако од нејзиното прво испечатено издание поминаа повеќе од 500 години, христијанската света книга е омилено четиво на Американците и тоа без никаква конкуренција.
Што читаат жителите на САД? Одговорот е секогаш ист – Библија. Според најновата анкета, се уште нема конкурент кој што би ја симнал од првото место на листата најомилени книги на Американците.
И додека светата книга е неприкосновена на првото место меѓу сите демографски групи, во борбата за второ место е доста неизвесно. Така, анкетираните мажи се изјаснија дека по Библијата, омилени им се серијата книги „Господар на прстените“ од
Толкин, додека на Американките втора омилена книга им е „Однесено со виорот“ од
Маргарет Мичел.
Кај испитаниците од 18 до 31 година дефинитивно по Библијата доаѓа серијалот книги „Хари Потер“, додека оние на возраст од 32 до 43 години уживаат во делата на
Стивен Кинг и
Ден Браун.
Изборот на втората омилена книга варира од географската положба. Така Однесено со виорот е омилена на југот и средниот запад, додека Господарот на прстените доминира во источните делови на САД.
10.04.2008
