Граѓанската иницијатива МЦИ за денес во 12:00 часот најави мирен протест пред Собранието на Република Македонија за време на одржувањето на, како што велат, срамната парламентарна седница, на која ќе се дискутира за предлогот на Нимиц. „Името и националниот идентитет не се на продажба, ниту пак смее да бидат дел од било каква трампа, или пак предмет на преговарање. Дојдете, потврдете кои сте и што сте... И не дозволувајте да ве манипулираат, ниту пак да ве исплашат“, aпелираат од граѓанската иницијатива.