Во 69 година од животот почина еден од најголемите хрватски театарски, телевизиски и филмски актери. Сè уште не е позната причината за неговата смрт.
Веста рано утрово ја објави Радио Далмација, повикувајќи се на извори од сплитската болница. Во овој момент не е познато од што починал.
Борис Дворник е роден на 16 април 1939 година во семејство на дрводелец. Својот актерски талент го открил во раното детство, настапувајќи во детски претстави. Завршил средно актерско училиште во Нови Сад, а подоцна се запишал на Казалишната академија при Универзитетот во Загреб. Вистинската кариера почнал да ја гради со улогата во филмот „Деветтиот круг” на Штиглица.
Зад себе остави повеќе од 40 улоги во долгометражни играни филмови, телевизиски драми и серии. Заедно со
Љубиша Самарџиќ, Милена Дравиќ и
Бата Живоjиновиќ стана една од врвните ѕвезди на југословенската кинема- тографија. Последните неколку години паузираше од актерството, поради преживеаниот мозочен удар.
Раскинувањето на неговото пријателство со Бата Живојиновиќ, кога во 1991 година јавно се откажаа еден од друг, се сметаше за симбол на распаѓањето на СФРЈ. Тринаесет години подоцна, преку видео линк помеѓу Сплит и Белград, двајцата актери јавно се смирија. Тогаш Дворник изјави дека тоа било само едно „недоразбирање”.
Во 1962 година се ожени со
Дијана Дворник со која има два сина, музичарите
Деан и
Дино Дворник.
24.03.2008
