Минатиот пат накратко ве запознавме со убавите страни на маркетингот и неговите супермоќи и во продолжение ги истакнавме оние кои ја утнале работата скроз, кога е во прашање добрата реклама. Еве уште два добри примери.


I beat Blaxx - mp3 player

Колкав копук треба да бидете за на пазарот да излезетe со мп3 плеер чие име има расистички призвук? Германската компанија Трекстор очигледно вработува цело стадо копуци штом нивниот адут го нарекоа како што го нарекоа. Секако, прекасно разбраа дека ја посраа работата, а за тоа време доживеаја огромен срам и презир.

Кога конечно им текна дека на својот „тепам црнци“ мп3 плеер мора итно да му го променат името поради погрешната конотација, испратија милиони меилови со извинувања и објави дека плеерот е преименуван во TrekStor blaxx.


Ayds – диетален колач

Ayds се диетални колачи кои својата популарност ја стекнаа во седумдесеттите и почетокот на осумдесеттите години на минатиот век. Беше достапен со вкус на чоколадо, ментол, карамела, путер и кафен шекер, како и путер од кикиритки.
Главната состојка му беше henylpropanolamine која го потиснуваше чувството за глад. Продажбата одеше одлично се додека во осумдесеттите не се крена фамата за AIDS (acquired immunodeficiency syndrome), односно по нашки сида. Кон крајот на 80-те производот забележа пад од 50% од продажбата, па го смени името во Diet Ayds за на крајот и да биде повлечен од пазарот поради својата главна состојка која е прогласена за нездрава.


Продолжува...