Соочена со пораст на разводи и лоша комуникација меѓу паровите, Англиканската црква смета дека е време за разговор за сексот.
Англиканската црква објави курс и водич за бракот под наслов „Growing Together“, кој ги поттикнува оженетите двојки на искреност и отвореност меѓу себе, јавува Ројтерс.
„Сексот, далеку од тоа дека е лош, тоа е нешто навистина прекрасно и вредно за да се прослави. Како и секоја друга вештина и тој треба да се научи ... бидете си учители еден на друг“, стои во водичот.
Автор на делото е
Ендрју Боди, викар од јужна Англија и професионален советник за бракови, кој е во брак веќе 39 години.
„Не сакам луѓето да стекнат впечаток дека црквата зјапа во нивната постела. Воопшто не станува збор за тоа, само сакаме да ги поттикнеме луѓето меѓусебно да разговараат за проблемите што ги имаат. Тоа не значи дека англиската црква издава водич за сексуални техники“, изјави Боди за Ројтерс.
Водичот исто така вклучува и разни теми од домаќинство до економија, погреби и грижа за децата.
„На некои двојки навистина им треба информација“, заклучува викарот.
10.03.2008
