Фудбалерот на Манчестер Јунајтед, Вејн Руни се најде во центарот на секс скандал. Сите британски медиуми пишуваат за неговото неверство, но Вејн наводно смета дека не направил ништо лошо.

Вејн Руни наводно и рекол на сопругата Колин дека тоа што ја изневерувал додека била трудна и не е некоја голема работа, тврдат извори блиски до парот.

Наводно, славниот фудбалер својата афера со проститутката Џенифер Томпсон ја опишал со зборовите „мажите се мажи“.

Сепак, за Колин, неверството е и тоа како голема работа.

„Ситуацијата ја шокира. Таа има право да го земе нивниот син и да си замине. Најлошо од се е тоа што и зборува дека неверството не е голема работа и дека мажите се само мажи“, изјави за британските медиуми пријателка на убавата Колин Руни.


Инаку, викендов британските медиуми ја обелоденија веста која ја откри авантурата на славниот фудбалер со 21-годишната проститутка, која за една вечер му наплаќала 1.500 евра.

Информацијата за неверството ја потврдила и самата Џенифер Томпсон, која изјавила дека во текот на четири месеци таа и славниот фудбалер повеќе пати се сретнале во некои од луксузните хотели на Манчестер.

„Вејн сигурно уживаше во нашите средби и изгледаше како воопшто да не му е грижа што ја изневерува сопругата. Мислам дека тој себеси се доживува како недопирлив и непобедлив. Јас не би сакала мене да ми направи такво нешто, особено ако сум трудна", изјави 21-годишната Томпсон.


Аферата на Руни и Томпсон започнала во јуни 2009 година во едно казино, само пет месеци пред раѓањето на синот на славниот фудбалер.

Наводно, Руни сам ја повикал во ВИП салата, а кога таа му кажала дека за тоа ќе мора да плати, тој рекол дека не е проблем. Потоа почнале да се гледаат, а Вејн често и праќал пораки и ја носел во ноќни барови.

„Мајкл Овен го гледаше Вејн со гадење. Не бевме дискретни и мене ми беше срам“, рече Џенифер.