„Никој нема право да преговара за моето име“ - е слоганот на кампањата на македонските иселеници за заштита на македонското име и идентитите, поддржана од 30–тина организациии и институции, што официјално стартува денес, изјави Славко Манговски, претседател на Македонско меѓународно движење за човекови права.
Целтта на кампањата е да се презентира влијанието на македонската дијаспора врз владини структури дека името не треба да се менува и преговорите со Грција треба да престанат.
„Со преговорите даваме сигнали дека ќе направиме компромис за името, за влез во Европската Унија и НАТО алијансата“, потенцира Манговски.
Македонските иселеници и Македонците кои живеат овде, истакна тој, имаат идентичен став по однос на прашањето за името на Македонија. Сите направени анкети во Македонија, покажуваат дека 90 отсто од Македонците не сакаат името на државата да се промени.
Претседателот на ’Македонската Алијанса’ Ѓорѓи Џорџ Атанасовски рече дека досега ниту една држава не е условувана да го смени името за да стане членка на ЕУ и НАТО.
„Никој не може да ни го смени името,“ категорично истакна Атанасовски, додавајќи дека влегувањето во ЕУ не треба да биде по секоја цена.
28.07.2010
Малкумина се оние кои себеси можат да си дозволат било каков стан во Лондон, а да не зборуваме за оној најскапиот и најлуксузниот во цела Велика Британија. Меѓутоа, има и такви среќници кои можат да ’издвојат’ вртоглави 65 милиони фунти од својот домашен буџет и да го купат токму тој, најскап и најлуксузен стан во Британија, кој се наоѓа во самиот центар на Лондон.
